مسمن معمر بالكفتة بطريقة سهلة و بسيطة كيجي بنين مقرمش و مورق و حشوة الكفتة كتخليه يجي بنين
مقادير عجين مسمن معمر بالكفتة :
زوج زلايف دقيق ابيض
زلافة وحدة سميدة الناعمة جدا اكسترا فاين
ملعقة كبيرة حليب بودرة
ملعقة ك سكر
ربع ملعقة صغيرة خميرة الخبز اليابسة
ملعقة صغيرة معامراش خميرة الحلاويات، ملح
والماء دافىء للعجن
طريقة تحضير عجين مسمن معمر بالكفتة
كنعجن العجين مزيان كنقسمو كريات
كانطلق عجينة مسمن بالزيت وكنرشها شوية بالزبدة انا كنحيد ليها الماء كايجي لمسمن مورق ومقرمش ورطب
وكنحط حشوة الكفتة فالوسط
كنطوي لمسمن عادي طوية الاخيرة كنردها لتحت باش متخرج الحشوة من العجين
وكنحطهم على ورق الطهي عليه كنكرص العجين كيبقى محافظ على الشكل والعجين مكيرجعش كيبقى فبلاصتو
حشوة مسمن استعملت الكفتة
زوج بصلات متوسطين شحرتهم مزياان في الزيت
من بعد ضفت الكفتة
ملح فلفل أسود فلفل احمر حلو والخرقوم قزبرة يابسة واربيع شوية شوية من الحاجة
الكفتة مطيبوهاش بزاف غير يتغير اللون صافي غاتكمل طياب مع لمسن باش الكفتة ماتجيش ناشفة وتقطع لكم العجين
بالنسبة لطياب نار تكون مهيلة كنطيبهم في لبلاصة باش ميخمرش
و هذا هو الشكل النهائي ل مسمن معمر بالكفتة
هادي محاجب جزائرية 🇩🇿🇩🇿🇩🇿🇩🇿