طريقة تحضير دجاج الطاكوس
مقادير دجاج الطاكوس
صدر دجاج مقطع
بصلة مشلظة
ملح،ابزار،قصبور يابس،خرقوم،سكنجبير،كاري (توابل حسب الرغبة)
كريمة سائلة وشوية د الجبن محكوك
بصل مشلظ طويل
طريقة تحضير دجاج الطاكوس
في مقلاة نضع الدجاج والبصلة و شوية د الزيت و ملح و التوابل
من بعد نخليواه يطيب على نار مهيلة
ملي يطيب نزيدولو كريمة السائلة والجبن محكوك
ملي يعقد الخليط نطفيو عليه النار ونخليواه يبرد شوية
(الي معندوشي كريمة السائلة يعمل ملعقة د مايزينة ماش يتعلك الخليط)
كندهنو خبز الطاكوس بمايونيز مخلط مع الكيتشوب وشوية دالحر انا عملت صلصة الاندلس و ساموراي
المهم الصلصة اختيارية
من بعد نعملو خليط الدجاج شوية البصل (اختياري)
و شوية بطاطا مقلية
وفي الاخير نعملو الجبن مربع او جبن محكوك
ونطويو الطاكوس فحال الطوية د الرغايفة
من بعد نعملوه في آلة البانيني حتى يتحمر ونقدموه مع بطاطس مقلية
ملاحظة: الي معندوشي آلة البانيني يعملو في المقلة د الرغايف وينزل عليه من فوق شي حاجة تقيلة شوية
