صابلي مغربي

صابلي مغربي

 صابلي مغربي رائع المعتمد عندي كيجي مقرمش او هشيش 

بالنسبة لعجين هاد الصابلي البنات منين غادي تجمعوها غادي ديروها فبلاستيك او دخلوها الثلاجة واحد 4 ساعات

انا بيتها ليلة كاملة
عاد خدمت بيها بالتوفيق إن شاء الله 

مقادير صابلي مغربي 

250 غ زبدة ماركرين

كاس عنبة زيت

كاس و نصف سكر كلاصي

رشة ملح

3 بيضات

2 اكياس من الفانيلا

2 ملاعق كبيرة من حليب نيدو

كيلو دقيق ابيض مكاملش انا شيط منو كاس يعني الدقيق كيبقى على حسب النوعية ديالو

طريقة تحضير صابلي مغربي 

كنخدمو الزبدة مع السكر و الفانيلا حتى كيوليو بحال الكريمة 

ونزيدو الزيت و نعودو نخدمو ثم البيض و نيدو و ملح ثم الدقيق شوية بشوية 

ملي كتجمع لينا العجين كندخلوها للثلاجة هاد عجين صابلي ممكن تخليوها حتى ليلة كاملة فالثلاجة تكون احسن

تشكيل حلويات الصابلي كيبقى على حسب الطوابع لي عندكم و الموتيفات ديال الشكلاط لي عندكم