شهيوات عيد الاضحى : الكرشة بالحمص
مقادي كرشة بالحمص
كرشة منقية مزيان ومغسولة بالخل والملح مزياان
كنعملا في الطنجرة وكنطحن بصلة 🧅 مع شوية د قصبور ومعدنوس و اربعة فصوص ثوم كبارين وشوية دالماء
وكنزيدم على الكرشة
وكنزيد عليهم شوية د الملح و تحميرة وكيمون ،سكنجبير خرقوم ،قرفة وكنشرمل الكرشة ونخليها في الشرمولة ليلة كاملة او ساعتين
من بعد كنعملا في الطنجرة وكنزيدلا كأس صغير د الزيت وملعقة د السمن حار ونخليها تتقلى من بعد كنزيدلا الحمص
وكنمرقا بالماء وكنخليها طيب في طنجرة الظغط حتى تطيب وتتشحر من الماء
مقادير سلطة الخس
فيها الخس و الخيار مقطع وذرة وطماطم مقطعة والطون والبيض مسلوق
وجبن الموتزاريلا مقطع وصلصة الفيناغريت أو المايونيس
والخل والملح
