خبز التوست بالقمح الكامل
السلام الغزلات ديالي احبكم في الله نتمنى من الله تكون بألف خير ان شاء الله
حبيت نشارك معاكم هاد الخبز لي هو خبز التوست او بان دومي
كيجي رائع او رطب بدقيق القمح الكامل
نقدرو نديرو بيه بززاف ديال الحاجات بحال ليسندويش
او نعمرهم بحال شكل بيتزا المهيم بزززاف
على بركاتي الله
مقادير خبز التوست
500غ الدقيق القمح الكامل + 250 غ دقيق ابيض + ملعقة كبيرة خميرة فورية + 3 ملاعق سكر + ملح + 2 ملاعق كبيرة ديال الزبدة + ماء دافئ لجمع العجين
في العجانة او قصعة غادي نديرو كلشي
او نبدا نجمع العجين بماء دافئ
ندلكها شوية او تجي مرخوفة شيأ ما
او نغطي عليها نخليها حتي يضاعف الحجم ديالها مزيان
من بعد ما خمرات غادي نبسطها غير شوية على شكل مستطيل او نبدا نلفه جيدا بحال الشنيك
او نوضعو فالمول مدهون بالزبدة او مرشوش بدقيق
او نخليوها تخمر للمرة التانية حتى يضاعف الحجم ديالها
او ندخلو الفرن مدة ساعة الا ربع ثم نقدمو
نسخنو الفرن من قبل 😊
(ملاحضة خليوه حتى يبرد مزيان عاد قطعوه انا بيتو ليلة كاملة )
