كلاص عائلي سهل التحضير و المذاق روعة
مقادير كلاص عائلي
نصف لتر د الكريمة السائلة
نصف علبة د حليب نيستلي
3 معالق كبارين د حليب نيدو
2 فلان كراميل (الي كيتشرى جاهز ماشي غبرة)
2 معالق سكر كلاصي او حسب الذوق
طريقة التحضير
كنعمل الكريمة و الفلان في المجمد يبردو شي نصف ساعة
ومن بعد كنخفق الكريمة حتى تعقد واحد شوية
من بعد كنزيد عيها الحليب نيستلي و الحليب غبرة والعلب د فلان و السكر( اذا كانت الكريمة حلوة مكانزيدشي السكر)
وكنزيد نخفق حتى كتزيد تعقد الكريمة
كنغطي القالب الي كنعمل فيه الكلاص بالبلاستيك الغذائي وكنعمل فيه نصف الكمية د الكريمة
وكنرش بالكركاع مهرمش و شكلاطة مارس وسنيكرس و كندر مقطعين طراف صغارين
وكنعمل خطوط بالكراميل وكنعمل الكمية الثانية الي بقات وكنغطيه بالبلاستيك الغذائي
وكندخلو المجمد حتى كيتجمد مزيان وكنخرجو ونقدمو فطبق التقديم وكيتزين حسب الذوق .
و ممكن حشو الكلاص غير باللوز والكركاع او الكاوكاو مهرمشين او بسكويت الاوريو او اي بسكويت متوفر في المنزل أو الفريز المهم على حسب الذوق و حسب الكتوفر
