اللحم بالبرقوق على الطريقة المغربية
مقادير و طريقة تحضير اللحم بالبرقوق بالطريقة المغربية
كنشرمل اللحم ب ثلاث حبات ثوم محكوك و ملعقة صغيرة عامرة خرقوم وملعقة صغيرة سكنجبير نصف ملعقة ابزار نصف ملعقة قرفة شوية زعفران شعرة او عادي قبيصة د حبات الهيل والنويويرة مطحونين (اختياري) وممكن تعويض الهيل والنويويرة بقبصة د رأس الحانوت )وكنزيد عليهم شوية د الماء وملح حسب الذوق كنشرمل اللحم
انا كانت عندي 1 كيلو وربع من بعد كنزيدلا 4 حبات د المسكةحرة وكنخليها 2 ساعات تدخل فيها الشرمولة ملي كتفوت 2 ساعات كنزيدلا كأس د الماء وكنخليها فوق البوطة تتقلى فديك الماء باش كتشرب الليقامة
من بعد نزيدلا ملعقة صغيرة د السمن حار و شوية د القصبور والمعدنوس مربوطين و نصف كأس د الزيت و 2 بصلات متوسطين مقطعين صغارين وكنخليها تتقلى حتى تذبل البصلة وكنمرقا ونخليها تطيب
ملي كتكون علاين تطيب كنزيدلا واحد ملعقة كبيرة عامرة بالعسل اوْ ملعقة صغيرة دالسكر وكنخليها حتى كتطيب
كنزول اللحم من المرقة وكنعمل دك المرق في الصفاي وكنبقي نضغط على دك البصلة بالملعقة حتى كتصفى مزيان
وتخرج من الصفاي وكيبقة غير دك الطروفة داللحم صغاارين في الصفاي كنردو دك المرق في طنجرة فوق العافية وكنخليوهم حتى يتشحرو ويخترو
كندهن اللحم بالزبدة وكندخلا تتحمر في الفران
وكنعملا في طبق التقديم وكنعمل المرق وكنزينو البرقوق والمشمش معسلين و الزنجلان واللوز مقلي
البرقوق كنغسلو مزيان وكنعملو شوية د الماء وماء الزهر وسكر والقرفة وكنخليه يتعسل نفس شي نالمشمش
مقادير المقبلات المرافقة
جزر محكوك شوية ملح -كيمون -تحميرة -قصبور وثوم محكوك وشوية د الزيت كنعملهم فوق النار معرالتحريك حتى كيطيب الجزر.
السبانخ مثلجة او معلبة نفس شي كنعملا الثوم و قصبور وملح كيمون تحميرة وزيت وكنعملا تطيب مع التحريك باستمرار حتى كتطيب وكتيبس من السوائل الي فيها
كنزيدلا شوية دالزيتون اخضر مقطع وشوية د الليمون مخلع مقطع وكنخليها غير شوية وكنطفيلا
