طريقة تحضير كيكة عادية بالشكلاط

طريقة تحضير كيكة عادية بالشكلاط

❤ كيكة عادية يومية كتجي خفيفة او مفشفشة للكوتي 
بسم الله

مقادير كيكة عادية بالشكلاط

4 بيضات حجم صغير الا كان البيض كبير نكتفي غير 3 بيضات . علبة ياغورت فانيلا . بالعلبة ياغورت غادي نعبرو الزيت . علبة ونصف سكر . علبة حليب . مبشور الحامض . فنيلا . رشة ملح . كيس كاكاو . 2 اكياس خميرة الحلويات . ملعقة كبيرة خل . دقيق ابيض حسب الخليط

طريقة التحضير

في ايناء غادي نضيف البيض مع السكر او فانيلا رشة ملح ثم نطرب بالطراب الكهربائي مزيان

ثم نضيف الزيت او انا كنطرب من بعد نضيف الحليب مع الياغورت او مبشور الحامض او نطرب مزيان

ثم فالاخير غادي نعمل الدقيق مغربل مع الخمرات او نخلط بالطراب اليداوي انا هزات ليا 3 كيسان ديال الدقيق ممكن اكثر أو اقل غادي

نضيف ملعقة كبيرة ديال الخل او نخلط مزيان

ثم نجيب ايناء اخر أو نقسم الخليط ديالي على 2

الجزء الاول نضيف اليه كيس كاكاو او نخلط بالطراب اليدوي

من بعد نجيب المول ندهنو بالزبدة او نرش بالدقيق

ثم نوضع الخليط الابيض ثم من الفوق الخليط الاسود على حسب لي بغيتو الى الفرن لي مسخن من قبل ثم نقسو عليها النار طيب على خاطرها 

من بعد ماطابت نخليها تبرد مزيان ثم غادي نزينها بالشكلاط لي دوبت ضفت معاه واحد دانيت او زينت بيه الكيك او رشيت عليها حبيبات الشكلاط

التزين كيبقا اختياري