وصفة كيكة عادية سهلة

مقادير كيكة عادية سهلة

5 بيضات
كأس كبير و ربع سكر
كأس كبير زيت
كأس كبير الحليب
1 خميرة حمراء
ربع ملعقه صغيره بيكربونات (إلا كاين)
معلقة كبيرة الخل
3 كيسان الدقيق مغربل
شوية الملحة
1 فاني
قشرة برتقال (اختياري)
2 معالق كبار كاكاو (شكلاط بودرة)

طريقة التحضير

كنغربلو الدقيق مع الخميرة و بيكربونات و نخلوه على جنب

كنضربو بالبيض مع الملحة و الفاني مزيان نخليو الضراب خدام ونزيدو السكر شوية بشوية نخلطو مزيان

و نزيدو الزيت و الحليب والخل

نصبو الخليط في إناء ونزيدو الدقيق

ندهنو المول بزبدة و نرشوه بالدقيق

نصبو الخليط فالمول نخليو فيه شوية نزيدو عليه الكاكاو

نسخنو الفران على درجة 180 لمدة 40حتى 45دقيقة

أنا كنسخن الفران ندخل المول ونطفي العافية من الفوق 30حتى35دقيقة ونشعل الفوق بلا منحل الفران

ونزوقوها حسب الرغبة
وبالصحة و الراحة