حلويات حليمة الفيلالي : غريبة بالكاوكاو و الزنجلان
تطبيقة الاخت : cuisine_najwa
غريبة معلكة ولا أروع ناجحة 100/100 الوصفة خديتها من عند الاخت حليمة الفيلالي ❤ جربوها كتجي طوب
مقادير غريبة الكاوكاو و الزنجلان
250غ كاوكاو محمر شوية بالقشرة ديالو او مطحون =2كؤوس عنبة
200غ زنجلان منقي او محمر او مطحون =2كؤوس عنبة
150 غ كوك (جوز الهند ) =2كؤوس عنبة
كأس سكر عنبة .
1بيضة . حتى لجوج بيضات
3ملاعق كبيرة مربى المشمش .
1ملعقة كبيرة زبدة .
قبصة ملح .
2خمارات حلويات
كيس فانيلا
طريقة التحضير
فقصعة غادي نضيف جميع العناصر لي حمرت او طحنت من قبل نضيف كاوكاو زنجلان الكوك نوع جيد ديال الحلوة يكون ميدم كأس السكر خمارات فاني ملح مربى المشمش الزبدة بيضة او نجمع المكونات بيدي او ندلكها مزيان مزيان
تجي مرخوفة كتلصق فاليد من بعد نخليها ترتاح واحد 20دقيقة
ثم نشكل منها كويرات صغار
او نفندهم في السكر كلاصي سبيسيال
ثم نوضعهم فصفيحة الفرن لي مفرشة بورق المطبخ نسخن الفرن مزيان من قبل ثم نوضع الصفيحة ديالي تكون النار من الفوق حتى تشقق على خاطرها تكون العافية مهيلة من الفوق ثم نشعل عليها من التحت منبلغوش فالطياب باش تبقى رطبة او معلكة او بالصحة او الراحة 😍😍 (مدة الطهي 15دقيقة )
