بطبوط مغربي خفيف و مفشفش
مساء النور البنات فين وصلتو فالتوجاد العيد واخة العيد هاد العام ناقص الحمد الله على كل حال الله يرفع علينا هاد الوباء ياربي 🙏🙏🙏عواشر مبروكة
أنا كنعجن البطبوط ليلة العيد وكنديرو فالتلاجة وملي كنبغيه كنسخنو فآلة البانيني كيجي بحالا يالله طاب وكتنقص عليا الخدمة نهار العيد عطا الله مايدار أنا نشارك معاكم طريقتي فالبطبوط نتمنى تعجبكم
مقادير بطبوط مغربي :
500غ دقيق ابيض
250غ دقيق القمح الكامل
250غ دقيق فينو
ملعقة كبيرة خميرة فورية
ملح حسب الدوق
250غ دقيق القمح الكامل
250غ دقيق فينو
ملعقة كبيرة خميرة فورية
ملح حسب الدوق
طريقة تحضير بطبوط مغربي :
كنعجنو على الطريقة العادية غير العجين تكون مرخوفة مزيان كلما كانت العجينة مرخوفة ومدلوكة كيجي البطبوط زوين
نغطيو العجين ونخليوه يخمر مزيااااان ضروري يخمر مزيان فالمرة الاولى
تم نشكل كريات نستعن بالزيت باش متعدبنيش العجينة لحقاش كتكون مرخوفة ونقرصوهم ونخليهم يخمرو مرة أخرى
ولكن ماشي بزاف تقريبا واحد 25 دقيقة ونطيبوه
بالنسبة لطياب نسخنو المقلة ونوضع فيها البطبوطة غير تبدا دير فقعات نقلبها وغير تشد راسها ونيقا كل شوية نقلب البطبوطة باش تنفخ ليا نار تكون متوسطة 😘😘.
.
.
