سفة الروز فالكوكوت
من شهيوات ميمونة ام اروى جزاها الله عنا كل خير
سفة الروز فالكوكوت بطريقة ساهلة وفسع كتوجد للعشاء ولا ضياف الغفلة
كتاخدو الروز داك الأصفر الي ميتعجنش حسب الاشخاص زلافة كتخرج طبسيل متوسط
ديروه فالكوكوط كبو عليه الماء طايب شوي ملح و معلقة كبيرة زيت الماء حسب كمية الروز
سدو الكوكوت تصفر حسبو ليها 10 دقايق
حيدوه وصفيوه مزيان من الماء ودهنوه بشوية زيت وردوه يتفور غي تفويرة وحدة مع شوي زبيب
مين يتفور زيدو شوي زبدة وسكر كلاصي و قرفة حسب الرغبة
خلطو مزيان والتقديم حسب الرغبة انا درت الروز ورشيت بشوي كوكاو محمر ومهرمش عاد زدت شوي روز والتزين من الفوق بالقرفة وكوكاو وسكر كلاصي وبالصحة
