بطاطا مقلية في الفرن
بطاطا مقلية في الفران مقرمشة كتجي روعة
الطريقة:
خديت اربع بطاطس متوسطة من الأحسن تكون وبطاطا القلي قطعتها بحال الفريت ولكن كتكون غليضة على الفريت وسلقتها مدة 5 دقائق في ماء غليان مملح (ناخد طنجرة ندير فيها ماء وملح ونخليه حتى يغلى عاد نضيف البطاطا ونحسب خمسة دقايق ونصفيها )
نصفي البطاطا ونخليها تبرد شوية ناخد بلاستيك غذائي ونضع فيه 3 ملاعق زيت زيتون توم بودرة او نحك فص ثوم صغير كمون تحميرة وسودانية اختياري شوية ابزار البصل بودرة إلا بغيتو ونضيف البطاطا فالبلاستيك ونخلط مزيان ونخليها تشرب شوية الشرمولة.
ناخد صينية فرن ونضع فيها البطاطا ونستفها فالطاوة
ونرش عليها شوية الزعتر
و تقريبا جوج ملاعق من الخبز المحمص المطحون (شابلير) وهادا هو السر لكيخليها وتقرمش
ندخلها لفران ساخن جيدا نشعل عليها من الفوق والتحت على درجة 200 و نخليها حتى طيب وتقرمش
بالنسبة للناس لعندهم الفرن الغازي نسخنوه مزيان وندخلو بطاطا طيب من التحت عاد نزلوها تحمر
