من اعز الحلويات على قلبي حلوة المشوكة سهلة سريعة مفيهاش كترة الخدمة وأهم حاجة بنينة بزااااف شكون كتعجبو؟؟
مقادير حلوة سهلة و بسيطة
250غ زبدة أنا استعملت لذة
كأس عنبة سكر
كأس إلا ربع زيت
فاني
قبصة ملح
بيضتان
كيس خميرة حلويات وزن 7او8غرام
دقيق فرص حسب الخليط
مربى المشمش للحشو
سكر ناعم للتزيين
طريقة تحضير حلوة سهلة و بسيطة
نخدم الزبدة السكر قبصة ملح فاني مزياان تم نضيف الزيت والبيض ونخلط مزيان تم نضيف خميرة الحلويات والدقيق حتى نحصل على عجين رطب بحال الصابلي ونقسم العجين لقسمين وناخد طاوة نفرش ورق الطبخ ونبسط عليها نصف العجين كما هو موضح في الصورة ونتقبها بالشوكة
ونوضع المربى فوق سطح العجين
تم ناخد الحكاكة ونحك بيها نصف العجين المتبقي
حتى نغطي طبقة المربى كاملة
ندخلها فران ساخن شاعل غير من التحت درجة حرارة 170 حتى طيب من التحت ويتحمرو الجوانب
تم نشعل الفوق ونخليها تحمر
ملي نخرجها من الفرن نخليها حتى تبرد تماما عاد نزولها من الطاوة
ونقسمها إلا مربعات ونرش عليها السكر الناعم
