بقلاوة turquoise من أروع مايكون قرمشة وبنة وسهلة جدا
بقلاوة turquoise :
مقياس السينية:23×28
المقادير:
6 فناجل فرينة(تقريبا 250 غ)
فنجال سمن(تقريبا 70 غرام)
نصف بيضة مخفوقة
ملعقة كبيرة حليب بودرة / رشة ملح/فنجال وربع ماء الزهر
التحضير:
الفرينة + حليب بودرة+ ملح ونبسس بالسمن نعمل حفرة في الوسط ونضع البيض ونلم بماء الزهر نقسم العجين الى 6 أقسام متساويةونتركها ترتاح على الاقل ساعتين منبعد نرش النشاء ونبدأ نفتح كل كرة بااحلال ونرشها بالنشاء ونحطهم فوق بعضهم ثم نفتحهم مع بعض ونحطهم في السينية المدهونة بالسمن المذوب ثم نضع الحشو
الحشو:
350 غ مكسرات + 100 غ سكر + ملعقة كبيرة زبدة ونفتل بقطرات من ماء الزهر مالازمش يكون الحشو جاري
من جهة أخرى نذوب 100 غ مارغارين + 100 غ سمن نتركه يبرد قليلا ونحضر القطايف اي الكنافة نحاول نحلها ونقطعها قليلا باليد وندهنها مليح بالسمن والزبدة ثم نغطي الحشو ونعمل طبقة لابأس بها ونعود نذوب 100 غ مارغارين + 100 غ سمن وندهن القطايف من فوق جيدا بواسطة فرشاة ونقطعها بالسكين وندخلها اطيب في فرن مسخن مسبقا على درجة أقل من المتوسط لما بتحمرو الجوانب نشعل عليها من فوق حتى تتحمر ونعسها لانها تتحمر خفيف ومباشرة لما نخرجها نعسلها (العسل تقريبا نفس مقدار المكسرات)
