طورطة جد سهلة بكريم باتسيير

  طرطة سهلة محشية بالكريم باتسيير:

مقادير الكيكة:

4 بيضات
1 كأس دالسكر
1 كأس دالزيت
1 ياغورت طبيعي(أَوْ كأس حليب)
1 فاني
1 خميرة حلوى (14 g)
طحين حسب الخليط
ملعقة صغيرة خل

كنطرب البيضات مع السكر مزيان حتى كيرجع فحال الكريمة
كنزيد عليه الياغورت والزيت والفاني وكنخلط مزيان
من بعد كنزيد الخل و الخميرة و الطحين شوية شوية حتى كيرجع القوام ديالو دالكيك
كنعملو في قالب مذهون بالزبدة ومرشوش بالطحين
وكندخلو الفران على 160 درجة مشعول غير من تحت حتى كيطيب عاد كنشعلو من فوق يتحمر من بعد كنخرجو من الفرن وكنخليه حتى يبرد مزيان

وكنقسمو على 2 وكنعمل الطبقة الاولي وكنسقيها بالحليب او عصير او سيرو وكنعمل الكريم باتسيير
من بعد كنسقي الطبقة الثانية وكنغطي بيها
من بعد كندهنا بالكريم باتسيير وكندهن الطرطة كاملة بالشكلاط اسود مذوب وكنرش الجوانب بالكاوكاو مهرمش

وزينتها بوريدات الكريم باتسيير.

الكريم باتسيير:

نصف لتر دالحليب
1 بيضة 🥚
2 معالق كبارين ونصف سكر
2فاني
3 معالق كبارين مايزينة (نشا) أَوْ طحين
كنخلط كلشي بالخلاط وكنعملى فوق البوطة مع التحريك المستمر حتى كتعقد.