بطاطا مسلوقة
شوية معدنوس مقطع
ملح ،ابزار،كيمون،تحميرة،خرقوم،ثوم غبرة او عادية محكوكة
نمعسو البطاطا مزيان ونزيدولا المعدنوس والتوابل ونخلطوهم مزيان ونخليوهم يرتاحو شوية من بعد نعملو منو خبيزات صغارين (المراحل في الصور)ومن بعد نغمسوهم في الخليط د الطحين ونعملوهم يتقلاو في الزيت سخون وحتى يتحمرو عاد نقلبوهم على وجه اخر وملي يتحمرو نحيدوهم من الزيت.
الخليط د الطحين: في وعاء نعملو كأس د الطحين ونصف وملعقة كبيرة خميرة د الخبز ،ملح،ابزار،خرقوم وماء دافئ ونخلطو مزيان و ضروري يكون العجين تقيل شوية ماشي خفيف ادا كان خفيف عايتفتتو في الزيت من بعد نخليواه يرتاح حتى يخمر ونغطسو فيه الخبيزات وخصو يبقى مغطي الخبيزات فحال طبقة د العجين مايكونشي خفييف
