1 لتر د الحليب
2 بيضات
4 أَوْ 5 معالق كبارين سكر( حسب الذوق)
3 علب فلان شينوا
نصف كأس سكر لتحضير الكراميل
كنعمل نصف كأس السكر في مقلاة علىً نار منخفضة وكنخليه حتى كيبدى يرجع كراميل وكنحركو وكنعملو في القالب الي عنعمل فيه الفلان وكنخليه حتى يقسح السكر.
في كاصرونة كنعمل الحليب وكنضيف السكر والفلان والبيضات وكنخلط مزيان بالخلاط اليدوي او الكهربائي وكنعملو فوق النار مع التحريك المستمر حتى كيغلي وكيعقد واحد شوية غير على ما يطيبو البيضات من بعد كنعملو في القالب الي فيه الكاراميل من بعد ما قساح وكنخليه يبرد وكندخلو نالثلاجة حتى كيتجمع مزيان
