g 250 البورو( الكراث) مقطع
250 g د كلمار مقطع
250g قمرون ( كامبا)
250g سمك ابيض
2حبات فلفل احمر مقطع
علبة صغيرة من الفطر (شامبنيون)معلب (اختياري)
نصف ربطة د القصبور
8 او 10 فصوص ثوم مقشر
كيس من الشعرية الصينية 250 g
2 علب د كنور السمك
هريسة حارة على حسب الذوق
نصف ليمونة مخلعة مقطعة صغيرة
ابزار -ملح- زيت
ورقة البسطيلة
في الاول كنطحن القصبور مع الثوم في الهاشوار او المهراز.
كنعمل الكلمار في مقلات ونزيد عليه شوية د الزيت و شوية ابزار واحد معلقة كبيرة د خليط القصبور والثوم ونصف حبة د كنور السمك شوية د هريسة وقبيييصة د الملح ماشي بزاف حيت الحوت كتكون مالحة وكنخليه يتقلى شوية مع التحريك
ملي كيبدا يطيب كنحيدو من المقلاة ونعملو فشي طنجرة
ونعمل القمرون (الكامبا) ونعملا نفس الطريقة الزيت و الابزار والقصبور والثوم ونصف حبة د الكنور وملي يتقلى نحيدا
نفس الطريقة كنعمل الفطر و الفلفل الاحمر وال بورو(الكراث) وهاد شي كامل ملي كيتقلى كيبقى فيهم شوييية د المرقة ديالهم حتى هي كنخليها معاهم .
كندهن السمك الابيض بالقصبور والثوم وكنعمل عليهم الابزار وندهنوم بكنور وندخلوم نالفران ملي يطيبو كنخرجهم .
الشعرية الصينية كغلي الماء مع واحد حبة د كنور سمك ونعملا فيه وكنخليها شوية حتى كتفسخ وتنفخ من بعد كنعملا في الصفاي وكنخليها تقطر ملي كتصفى مزيان كنقطعا ونضيفا على دك شي الي شحرت من قبل من غير الحوت
وكنخلطهم وكنزيد اذا كانو محتاجين الملح او الهريسة حارة من بعد كنزيد الليمون مقطع وكنخلط مزيان.
كندهن السينية بالزيت الي عنعمل فيها البسطيلة وكنفرشى بالورقة مزيان وكنعمرا بالخليط د الشعرية وكنقطع السمك الابيض منفوق وكنغطيها بالورقة حتى نعطيها شكل البسطيلة وملي كنكون كنعمل الورقة كندهنا بالزيت انا هنايا قطعت شوية د الورقة على شكل شرائط ودهنتوم بالزيت وذهنت الحواشي د البسطيلة ب ابيض بيضة و رشيتا بدك شرائط الورقة
و دخلتا للفران ملي طابت وتحمرت رشيت الوسط بالجبن محكوك و دخلتو دقيقة غير يدوب الجبن صافي كنقلبى في شي طبسيل ولا سينية وكنزل فوق منا الطبق الي عتقدم فيه وكنقلب والتزيين كيبقى على حسب الذوق انا زينتا بالبوزروق مغلي في الماء والملح واللانجوستين والليمون مقطع .
ملاحظة هاذ المقادير دبسطيلة صغيرة غير د 4,دالناس البسطيلة كبيرة ضروري نضاعفو المقادير.الطريقة في الصور
