المقادير 👈: جزر _ كرعة خضرا _ كرعة حمرا_ لفت _ مكور (ملفوف) _ بصل _ فص ثوم ( كل هذه الخضر نقطعها صغييرة انا كندوزها في الطحانة حتى تولي رقيقة و ممكن تزيدو معاها الدنجال و الشفلور ) _ 2 بطاطا مقطعة للنصف _ قزبز و معدنوس و كرافس مقطعين _ 3 طماطم بدون تقطيع _
التوابل : ملح، ابزار ، سكينجبير ، خرقوم_ 2 ملاعق كبار صلصة الصوجا _ كمية من الشوفان الرقيق او المهرمش ( حسب واش بغيتوها خفيفة او ثقيلة) _ القليل من الشعرية _ القليل من القمرون او الكفتة
الطريقة👈: في طنجرة او كوكوط نضع كل الخضر المقطعة و التوابل مع ملعقتين كبار زيت زيتون و نشحر الكل جيداا حتى تذبل الخضر قليلا ثم نضع انصاف البطاطا و الطماطم غير المقطعة و نصب الماء الكافي و نقفل الطنحرة و نخليها تطيب .. عندما نفتح عليها و نجد البطاطا نضجت نزيلها هي و الطماطم و نعملها فمولنكس مع قليل من الماء و نطحنها جيدا ثم نصفيها و نضيفها للطنجرة مع التحريك ، ثم نضيف الشوفان و الشعرية و القمرون او الكفتة ( هنا استعملت الكفتة) و نترك الكل يكمل الطهي مع التحريك لكي لا يلتصق الشوفان في القعر.. نضيف في الاخير صلصة الصوجا و القليل من القزبر و المعدنوس مقطعين و نذوق اذا لزمنا الملح نضيفه ثم تقدم.. وبالصحة و الراحة
