السلام البنات كيف راكم تفائلو خير ولا تيأسو لعله خير إن شاء الله♥️
بيتزا بعجين رطبة او لذيذة سهلة التحضير للاحتفاظ بها في المجمد
بسم الله
مكونات العجين 👇
500غ دقيق ابيض + ياغورت طبيعي + نصف كأس زيت الزيتون + ملعقة كبيرة سكر + ملعقة كبيرة خميرة فورية + خمارة الحلويات + ملعقة صغيرة الملح + ماء دافئ لجمع العجين او حليب دافئ . او القليل من الزعتر
طريقة التحضير
أولا في كأس غادي نديرو القليل من الماء الدافئ نديرو فيه ملعقة كبيرة الخميرة الفورية مع السكر او نغطي عليها بالبلاستيك غدائي نخليه شوية حتى يتفاعل
ثم في قصعة غادي ندير الدقيق نضيف خمارة او الزيت او نخلط بيدي ثم كنضيف الخميرة لي تفاعلت او الياغورت او نرش القليل من الزعتر او نخلط عاد نبدا نجمع بالماء الدافئ تكون مرخوفة شوية او ندلكها جيدا او نوضعها ف إناء او نغطي عليها بالبلاستيك غدائي نخليها حتى يضاعف الحجم ديلها من بعد كنطلقها بمساعدة الدقيق ثم كنقطع دوائر نوضعها فلاطة مفرشة بورق الزبدة كندخلها الفرن كطيب نص طيبة من قبل متنساوش توضعو تقوب بالفورشيت
ملاحضة🥰 (انا ضوبلت المكونات باش عطاتني هاد الكمية )
