3p بيضات
150g سكر
200g دقيق ابيض خاص لحلويات
5g قشور حامض
100g زبدة
50g حليب
5g خميرة كيماوية
15g زيت
مدة التحضير أقل من 30 دقيقة
مستوى : سهل
فرن كهربائي حرارة الانطلاق 200 درجة تم 180درجة
فرن غاز نار قوية عند الإنطلاق تم متوسط
مدة الطهي من 4 دقائق الى 10 مع مراقبة الفرن
طريقة التحضير
أول شيء نذوبو الزبدة حتى تصبح لون ديالها زيتي و تعطي ريحة السمن يعني ما يسمى بوور نوازيت beurre noisette
تم نتركه يبرد
في إناء نقوم بخفق البيض بسرعة عالية مع السكر و نضيف الزيت تدريجيا
الى ان حصل على رغوة فاتحة تم نضيف الزبدة المذابة و الحليب مع التحريك
تم نضيف الدقيق و خميرة مباشرة مع التحريك برفق بواسطة الفووي من تحت لفوق
عندكم موول ديال ماضلين اينوكس او سيليكون
عمروهم بطريقة محكمة بواسطة البوش الجيب الحلاواني
متعمروش بزاف خليوا شي ميلميترات باش ماي فيضش في الجناب
دخلوهم في فرن سخون بزاف شي 200 درجة وحد 3 دقيق من بعد نقصو حرارة ل 180 او 170 درجة
وكملو طياب ديالهم
غير إديرو ديك البوقالة مشهورة و يخدو لون ذهبي حبسو الطياب
ملاحظة : ممكن تعوضو قشور الحامض بالبرتقال و كذلك فاني و حتى الحليب بعصير الحامض او الليمون
ممكن ايضا تلونو ماضلين بالاسود بزيادة مسحوق الكاكاو نقصو 20 غرام دقيق و زيدو في بلاصة ديالها بودر كاكاو
راه مذاق المميز ديال الماضلين في نوعية ديال زبدة لذى من فضلكم ختارو احسن انواع الزبدة
و من احسن الموول يكون من انوكس
بنسبة لناس لعندهم الفارفارة ممكن تخدمها
