شوصون بعجينة المسمن كتجي بحال العجين المورق وااااعرة بزاف مقرمشة هشيشة…😍😍😍
مقادير والطريقة العجين:
500غ دقيق ابيض فرص
ملعقة صغيرة ملح
ملعقة صغيرة سكر
ملعقة كبيرة زيت نباتية
ماركرين والنشا للتوريق
ماء دافئ لجمع العجين تقريبا جوج كيسان إلا ربع ماء
قوام العجين يكون رطبة ماشي قصحة ندلكها شوية ونغطيها ونخليها ترتاح من نصف ساعة الى ساعة
تم نقسمها الى اربع اقسام ونشكلها كريات ناخد الكورة الاولى نطلقعا مزيان بالزيت وندهنها بالماركرين مدوبة ورشها بالنشا ونطويها بحال المسمن العادي وناخد الكورة التانية نطلقها مزيان ندهنها بالزبدة ورشها بالنشا ونوضع فوسطها المسمنة لشكلنا فالاول ونطوي عليها المسمنة التانية مع دهن والرش بالنشا بحال فاش كنديرو مسمنة فوسط مسمنة ونخليوها ترتاح
ونشكلو جوج كورات لبقاو بنفس الطريقة
الطريقة موضحة بالصور
ملي ترتاح واحد 5 دقائق نطلقوها بالمدلك بمساعدة دقيق سمك متوسط
ونقطعوها اشرطة ونديرو الحشوة والفرماج ونقطعوهم على شكل شوصون
وندهنهم بالبيض وشوية خل ورشهم بالجنجلان أو الخشخاش حسب الرغبة
وناخد إبرة ونتقبهم باش ميتنفخوش ويترطقو فالفران
وندخلهم لفران ساخن حرارة متوسطة من الفوق والتحت.
بالنسبة الحشوة اختيارية أنا درت الصوصيص والبصلة والزيتون مقطع والفرماج
