بريوش النمر

  أسعد الله مساءكم الزوينات💖💖🌷🌷
اليوم صاوبت للكوتي البريوش المنمرة كتجي ياسلام منظر ولذاذة وخفة👌 😋😍مرورا الصور

مقادير بريوش النمر :
بريوش النمر

3 الكيسان دقيق
2ملاعق كبار سكر
2ملاعق كبار حليب بودرة
ملعقة كبيرة خميرة
ملعقة صغيرة ملح
نصف ملعقة صغيرة بيكارونات
الصوديوم الخاص بالخبز والحلويات
كاس حليب

طريقة تحضير بريوش النمر :

🟠نعجنوها مزيان ونقسموها لتلاتة كريات
الكرة الاولى نخليوها بيضاء
والكرة التانية نضيفو ليها
ملعقتين كبيرتين كاكاو بني
وملعقة حليب ونعجنوها حتى تتجانس
والكرة الثالتةنضيفو ليها كذلك ملعقتين كبار كاكاو أسود
وملعقة كبيرة حليب ونعجنوها حتى تتجانس
ونغطيوهم ونخليوهم يخمرو

ونعملو منهم كريات صغار بنفس العدد
ونطلقوهم بالدلاك على شكل طولي
ونلفو الكرة البنية حول نفسها تم نطلقو
الكرة السوداء على شكل طولي ونعملو
وسطها البنية الملفوفة ونلفوها عليها
تم نطلقو الكرة البيضاء على
شكل طولي ونلفوها عليهم
كيف ماهو واضح فالصور
👆👆👆👆
ونبقاو مستمرين حتى نكملو الكريات
تم نحاولو نزيدو نمددوهم على شكل طولي
ونعملوهم مستفين على شكل طولي فمول مدهون ومرشوش بالدقيق
ونخليوها تخمر
وندهنوها بالحليب
تم الفرن نطيبوها بحال الكيك
ملي نخرجوها من الفرن ندهنوها بالكونفتير وندردرو ليها اللوز ايفيلي محمر وحبيبات الشكولا 👌👌👌😋😋😋
كتجي منمر وخفيف شهوة منو دهنوه بالشكولا او الكونفتير بحال الطوست زوين للفطور او الكوتي يااا سلام 😋👌
ننصحكم تجربوه 😍😋