طريقة تحضير الملاوي
هاد الطريقة راه ساهلة بسيطة وناجحة مليون فالمئة
مقادير عجين الملاوي :
زلافة دقيق ابيض
زلافة دقيق فينو سميد رقيق جدا
ملح حسب الدوق
ملعة صغيرة سكر
ماء دافئ لجمع العجين
طريقة تحضير الملاوي :
نعجن العجين بالطريقة العادية د الملاوي ميكونش قاصح أنا مدلكتوش وضعتو فبلاستيك تقريبا ساعتين وشكلتو كريات متوسطة وخليتهم رتاحو عشر دقائق
وبديت نطلقهم بمساعدة الزيت على شكل دائرة وندهنها بالزبدة والدقيق ونقطعها على شكل اشرطة كيفما وضح فالصور ولف شريط الاول ونوضعو فوق الشريط تاني ولف حتى نكمل الاشرطة ديالي ونشكلها على شكل ملاوي
ونخليها ترتاح حتى نكمل العجين ديالي ونقرص الملاوي بدقيق الفينو كيجي زوين ونطيبو الطريقة موضحة بالصور
