بالنسبة للدجاج كنغسلوه مزيان بالحامض والملح
ثم قبل مانديرو الشرمولة نفلحوه شوية باش يتشرب مزيان
بالنسبة للشرمولة:
التوابل:ملح،ابزار،فلفل احمر،زنجبيل،ثوم بودرة وبصل بودرة ادا توفر،ورق الغار،الزعتر
موطارد حسب كمية الدجاج المستعمل
عصير الحامض
ثوم مفروم
زيت الزيتون
صلصة الصوجا
شووية من الصلصة الحارة اختيارية
نخلطو المكونات،ونشرملو الدجاج مزيان،ونخليوه على الاقل ساعتين،او من الافضل ليلة كاملة فالثلاجة
ثم نديروه فطاوة ،ونغطيوه بورق الطهي ثم ورق الالومنيوم،باش يطيب مزيااان
من بعد نزولو الورق،ونشعلو عليه من الفوق (الشواية)يتحمر
بالنسبة للمرق نرجعوه فكاسرولة فوق النار حتى يعقاد
ونقدموه بالصحة والراحة
