عراضة مغربية :
✅سلطة بريستيج برولي البطاطس معمر بالكفتة ومكنوم دجاج
✅اللحم بالبرقوق
✅سفة بريستيج بالكسكس ونسلي
بلمستي المتواضعة عراضة مغربية مع الاحباب عند الميمة الحنينة❤️
حبيت نشاركها معاكم متتبعاتي الغاليات😍😘🌷
اتمناكم تكونو كلكم فاحسن الاحوال عواشركم مبروكة ودمتم بالف خير عسووولاتي 🌷🌷🌷🌷🌷😘😘😘😘😘
اللهم ادمها نعمة واحفظها من الزوال🤲🏻🤲🏻🌷🌷
اليكم مقادير اللحم بالبرقوق :
طروفة اللحم كبار
شوية الملح
ابزار
سكنجبير
زريعة القزبر
ضامة الزعفران زعفران زغبة
خرقوم
المروزية
قزبر ومعدونس مربطين
ملعقة كبييرة زبدة
تلاتة ضروس والتوم
كاس صغير ديال زيت الزيتون متكونش حارة
قرفة اعواد
قرفة
اربع بصلات مشلظين
نعملو الزعفران فالماء حتى يطلق ونضيفو العطرية ونشرملو اللحم نخليوها تشرب العطرية ونضيفو البصلة والربيع مربط ونشعلو عليها نبداو نقلبو فاللحم ونضيفو الماء ملي يطبخ نضيفو الزيت ونخليوه حتى يطيب
فالاخير نضيف زوج ملاعق من سيرو البرقوق و نحيدو الغلاقة ونخليوه باش ياخد لون محمر وتتعلك المرقة ديالنا وبالصحة والراحة
البرقوق:نعملوه يتسلق فالماء والملح والزبدة تم نضيف السكر وشوية القرفة
المشمش:نعملوه يتسلق فالماء والملح والزبدة تم نضيف السكر
اللوز نجلفوه ونقليوه
ونزينو بيهم الطبق اللحم ديالنا وبالصحة والراحة
مقادير السفة تالكسكس:
كيلو كسكس رقيق نعملو لو الزيت والملح والماء عاد ونعملوه يفور
تم نعملوه فانية غارقة ونضيفو ليه ماء مغلي حتى يتغطى بالما ونتركوه حتى يشرب ونحلوه بيدينا نضيفو ليه شوية الزبدة ونرجعوه يفور شوية شوية صافي وهاهو موجود كتجمعيه بيديك كيكون مجموع بحال الزميطة
نحلوه ونسقيوه بنسلي والفاني ونعملوه فمول حسب الرغبة
ونزينو باللوز محمر ومهرمش فيه شوية السكر والفاني واقطيرة لماء الزهر وشوية القرفة
بيض السمان
المشمش والكيوي
التزيين حسب الرغبة كتجي ياااسلام تحفة
