اليكم المقادير:
عجينة المسمن:
زوج زلافات صغار دقيق
زلافة قمح فينو
ملح
راس معيلقة صغيرة خميرة
خمارة
زوج معالق صغار زبدة
ماء دافئ للعجن
🔸نعجنوها مزيان ونخليوها ترتاح فبلاستيك غذائي ونكونو منها كويرات ونخليوهم يرتاحو
تم نطرقوهم بالزيت ونورقوهم بالزبدة ونعملو الحشو بحال كيف ما موضح فالصور أعلاه👆👆👆
نطرقوهم بايدينا شوية ياخدو شكل مربع وندهنوهم بالبيض والصوجا وندردرو الزنجلان وندخلوهم للفرن
حشوة المسيمنات :
زوج بصلات مفرومين
بوارو مقطع
فلافل ملونة مقطعة صغيرة
زوج خيزوات محكوكين
دجاج مقطع رقيق
قزبر ومعدونس
بودرة البصل وبودرة التوم ملح ابزار خرقوم سكينجبير تحميرة ملعقة هريسة ملعقة صغيرة مطيشة الحك
نعملو الدجاج والخضر يتشحرو مزيان ونضيف التوابل والهريسة ومطيشة الحك مع التخلاط حتى يتعلك وينشف لينا الحشو
ونخليوه يبرد ونعمرو المسمن ديالنا
وبالصحة والراحة👌
