مقادير فقاص برستيج بالكركاع :
6بيضات
قبصة ملح
كأس ونصف سكر
كيس فانيلا
ملعقة صغيرة خميرة الحلويات ما يعادل 8او10غرام مانكتروش باش مايتشققش
نصف كأس زيت زايد شوية(120ملل)
نصف كأس زبدة مذابة زايد شوية(120ملل)
نصف كأس حليب
الدقيق حسب الخليط أنا خدات معايا كيلو وشوووووية والكمية كتختلف على حساب نوعية الدقيق وحجم البيض
للتزيين
ابيض بيضة
كمية من الكركاع (الجوز)
اللوز ايفيلي🧐
طريقة تحضير فقاص برستيج بالكركاع :
كنخلطو جميع المقادير وكنزيدو الدقيق شيئا فشيئا حتى تتجمع العجينة تكون رطبة ولا تلتصق باليدين
كنقسمو العجين الى ثلاثة
كنسرحو الاولى رقيقة وندهنوها بابيض البيض ونستفو الكركاع ونروليوه شكل باكيط
وندهنوه بابيض البيض ونرشوه باللوز ايفيلي(مررو الصور حطيت صورة فيها جميع المراحل)
نكررو العملية لباقي العجين
كندخلوهم لفرن بارد على درجة حرارة150لمدة 50دقيقة وعلى حسب الفرن ديال كل وحدة ، المهم حتى ياخد واحد اللون دهبي فاتح
و من بعد نغطيوها بمنديل مبلل ونغطيوها مزيان باش يرجع معاه الصهد ويرطاب ويسهال فالتقطاع
أنا عملتو البارح بالليل واليوم فالصباح قطعتو
وبالنسبة لطياب ديالو كنشعل غير الفوق حتى يتحمر وكنقلبو على الجهة الاخرى حتى يتحمر وهكذا
