عجينة ميني بيتزا المجمدة كتحضير مسبق للمناسبات و الافراح
مقادي عجينة ميني بيتزا المجمدة كتحضير مسبق للمناسبات والأفراح :
في وعاء نضع نصف لتر ماء + م ك سكر و
2 م ك خميرة فورية نخلطهم قليلا ونتركهم يتفاعلو ربع ساعة
ونضيف م ك خل+ كيس خميرة كيميائية + م ك موطارد + ملح + بيضتان +نصف كاس زيت + 2 م ك حليب بودرة و نخلط جيدا ونضيف کيلو دقيق فقط لا اكثر
ونلم العجينة حتى نتحصل على عجينة طرية وتتلصق في اليد
ندلكها قليلا حتى تتلم ونغطيها بكيس بلاستيكي ونتركها حتى يتضاعف حجمها
ومنبعد نبسط العجينة فوق طاولة العمل بمساعدة الدقيق و نستعين بالحلال نبسطها على سمك ليس برقيق و لل خشین
ونثقبها بالشوكة جيدا ثم نطبعها دوائر ونحطها في طاوة فرن فيها ورق الزبدة ونتركهم ربع ساعة يرتاحو
ندخل عجين ميني بيتزا للفرن مسخن مسبقا على درجة حرارة تكون أقل من متوسطة لازم يبقى لونهم ابيض
نترك ميني بيتزا يبردو تماما ونحتفظ بيهم في أكياس بلاستيكة ونضعها في المجمد الى حين استعمالها
(عند الحاجة الى استعمالها نخرجها مدة قبل تقريبا 15د يروحلهم التجميد وندهنهم بالصلصة و نضع الحشوة حسب الرغبة )
