مكرونة القمح بالخضر والشومبنيون والدجاج بالبيشاميل
مقادير أكلة لذيذة و سريعة :
بوارو مقطع
بصلة مشلظة
جزرة محكوكة
فلافل ملونة مقطعة على شكل طولي
شومبنيون مقطع
دجاج مقطع صغير على شكل طولي
قزبر ومعدونس مفرومين
2ضروس ثوم مفرومين
3ملاعق كبار صوجا
2ملاعق طماطم مصبرة
ملح ابزار سكنجبير خرقوم تحميرة كنور لي باط كنور خضر
طريقة تحضير أكلة لذيذة و سريعة :
نشحرو الخضر كلها مع الدجاج والشومبنيون والقزبر والمعدونس والتوم مع ملعقتين كبار
زبدة وشوية الزيت ومع الملح والابزار
نغطيوهم نخليوهم حتى يذبالو ويتشحرو مزيان تم نضيف الطماطم المصبرة والصوجا وكنور تالخضر وكنور تليباط او عطرية المعجنات اللي موجود
مع التخلاط ونرويو بكاس كبير من الماء الى ان تنضح وتتجانس صلصة الخضر والدجاج
نعملو المكرونة تتسلق فماء مملح مغلي
ونعملو البيشاميل:(زوج ملاعق كبار زبدة وتلات ملاعق نشا ونصف لتر حليب وملح وشوية الكوزة )نضيف فالاخير شوية فروماج محكوك والبيشاميل ديالنا جاهزة
نصفيو المكرونة ونخليوها مع صلصة الخضر والدجاج والشومبنيون
نقدموها فصحن اينوكس كيدخل للفرن
نسقيها من فوق بالبيشاميل كما هو واضح فالصور اعلاه☝️☝️☝️☝️
ندخلها للفرن
تم نزين بحبة كبيرة مقطعة من الخيار وشوية بقدونس مفروم وطماطم طرونش وزيتون اسود كتجي منقوليكمش معلكة ولذيذة
