مقادير فقاص برستيج :
نصف كاس حليب، نصف كاس زبدة مذابة، 3 خمارات، 6 بيضات، 3 معالق ماء الزهر، ملعقة صغيرة ممسوحة سكينجبير، نصف ملعقة صغيرة ممسوحة قرفة، ملعقة صغيرة ملح، كاس+كاس إلا ربع سكر، كاس الزيت، الدقيق
طريقة تحضير حلويات برستيج : الفقاص برستيج :
في الخلاط الكهربائي نضع البيض، ملح، الزيت، الزبدة، السكر، الحليب، القرفة و سكينجبير . نطحن الكل جيدا و نفرغ الخليط في قسرية. نضيف الدقيق و الخمارات بالتدريج حتى الحصول على عجين لين رطب ماشي قاسح. يقسم الى 3 كرات متساوية. تترك ترتاح قليلا.
نمدد كرات العجين بالدلاك على شكل مستطيل( ما يكونش رقيق بزاف كما هو موضح في الصورة). نستف فوقة المكسرات، المشمش جاف مقطع و الزبيب
نلف مستطيل العجين على شكل حربول ما يكونش مرخوف( نلوي و نضغط باليد لاخراج الهواء من العجين). نجمع القنات ديال الحربول. يوضع في طاوة مفروشة بورق الطبخ. تذهن الوحدات ببياض البيض و ترش باللوز ايفلي و القليل جدا من البافو (اختياري)
نثقب الوجه بإبرة، يدخل للفرن بارد و نشعل النار مهيلة جدا مثل الشمعة. نترك باب الفرن مفتوح قليلا و نخليه حتى يشد الفقاص راسو و يتماسك.( ضروري مراقبة النضج).
يترك يبرد ليلة كاملة بدون ما نغطيه. يقطع شرائح و يرجع للفرن يتذهب لونه و يكمل الطهي.
