مسمنة معمرة او مقرمشة كبيرة فالفرن
مقادير عجين مسمنة معمرة :
4كيسان دقيق ابيض + كأس دقيق الفينو (العبار بكأس العنبة ) . ملح . قليل من خميرة الحلويات . ماء بارد لجمع العجين
كنجمعوها مزيان بغيتو تخدمو بيها مباشرة دلكوها شوية انا خدمتها الصباح غير جمعتها او درتها فبلاستيك غدائي او فالعشية خدمت بيها الحشوة اختيارية 😋
في مقلاة ضفت القليل من الزيت ثم بصلة مشلضة مع 2ضرس ثم مهروس خليتها حتى هبطات ثم ضفت الفلفل اخضر مقطع او جزر محكوك من بعد وضعت الكفتة ثم التوابل ملح ابزار سكنجبير طحميرة خرقوم ثم قليل من الزعتر بودرة أو قليل من صلصلة حارة اختيارية من بعد ماطابت الحشوة طفيت عليها خليتها بردات او ضفت الجبن المبشور
ثم كنشكلو المسمنة ديالنا بمساعدة الزبدة دائبة مع الزيت
كنبقا نبسط واحدة الكورة نوضع فيها الحشوة ثم نجمعها على شكل مربع ثم نعاود نبسط كورة اخرة ندير ليها الحشوة او نوضع فيها المسمنة لي صاوبت من قبل
كنبقاو نديرو وحدة فوسط وحدة حتى تولي ليا مسمنة كبيرة او نبسطها مزيان ثم ندخلها الفرن لي مسخن من قبل نخليها طيب مزيان من التحت ثم نشعلو عليها من الفوق باش تحمر
كتجي واو 😋❤
الطريقة فالصور باش تفهمو 🙂👍حيت كنت درتها من قبل
