مملحات بالعجينة السحرية
اقتراح اليوم عبارة عن بلاطو مشكل من ميني بركر و ميني كودو دجاج بالعجينة السحرية
اليكم مقادير العجينة السحرية باش شكلت ميني بركر وميني كودو دجاج كيجيو مفشفشين ولذاااذ👌😋:
خمسة كيسان تالعنبة دقيق
ملعقة كبيرة خميرة فورية
خمارة كيميائية
ملعقة سكر
نصف كاس زيت
دانون مسوس
ملعقة ملح
ماء دافئ للعجن
نعملو ملعقة كبيرة خميرة فورية تتفاعل مع زوج معالق فورص+ كاس ماء دافئ +ملعقة كبيرة سكر نغطوها نخليوها تخمر
تم نضيفو خليط الخميرة للدقيق +الخمارة+الزيت+دانون مسوس+والماء الدافئ للعجن نعجنوها مزيان وندلكوها تكون مرخوفة شوية
نخليوها تخمر
تم نعملو منها كويرات قد المشماشة
النصف نخليوه كويرات لخبز البركر ونعملوهم فطاوة يخمرو وندهنوهم بالبيض والحليب وندردرو عليهم الزنجلان
والنصف الاخر من الكويرات المشكلة نطرقوهم على شكل بيضوي بالدلاك ونبرموهم ونشكلوهم على شكل ميني باكيط ونعملوهم فطاوة يخمرو وندهنوهم بالبيض والحليب وندردرو عليهم حبة البركة
تم ندخلوهم لفرن ساخن وبالصحة والراحة👌👌😋😋 ٠
كودو دجاج:
دجاج مقطع قطع صغيرة
نرقدوه 👇🏻👇🏻👇🏻
((ملح +ابزار +تحميرة +ملعقة كبيرة موطارد +ملعقة كبيرة كيتشوب +ملعقة كبيرة صوجا +شوية سكنجبير طري محكوك +ضرس توم محكوك +عصير نصف حامضة +قطرات من الخل +شوية زيت الزيتون ))
تم نعملو بصلة مشلظة مشحرة فشوية الزيت الزيتون و نضيف الدجاج المرقد يتشحر تم نضيف فلافل ملونة مقطعة قطع صغيرة
نخليوهم فوق النار حتى يتجانس الخليط ونعمرو الميني كودو مع شوية المايونيز والالجريين والكتشوب والخص بالصحة والراحة😋😋👌👌👌👌
ميني بركر :
كفتة بصلة مطحونة مع شوي القزبر والمعدونس وفص ثوم
ملح ابزار زريعة القزبر كمون تحميرة ملعقة كبير زيت الزيتون
نشكلو منهم أقراص صغار ونطيبوهم فمقلة
نقسمو خبز البركر وندهنوه بالمايونيز والكتشوب نعملو شوية الخص مقطع تم طماطم مقطعة على شكل دوائر وكفتة وفرماج السندويش ونسدو البركر بأعواد ديال التزيين وبالصحة والراحة
