خبز القمح الكامل بوحدو كيجيو غزالين ومفشفشين وكيوجدو بسرعة وصحيين بزااف❤
خبيزات ممتازين لأ صحاب الرجيم ومرضى السكري ❤
البنات لمكيصدقش ليهم الخبز بالقمح الكامل خودو دقيق القمح الكامل سبيسيال كيكون فيه الخيط وكيجي مفشفش أنا كنستعمل قمح كامل موني ولا الاتقان 5kg تمنها 30 درهم زوين بزاف هدا ماشي اشهار جربوه وغادي تلاحظو الفرق خصوصا فالمسمن 😘😘
مقادير خبز القمح الكامل المغربي :
ناخد كمية من دقيق القمح بوحدو ونضيف ليه الخميرة
والملح(أنا مدرتش الملح) ونجمعو العجين بالماء دافي ماشي سخون ونعجنها غير بالأيدي راه ساهلة متكونش العجينة مطلوقة بزاف تكون غير رطبة مندلكهاش غير نجمعها راه بسرعة كتجمع ونضيف ليها الزرارع حسب الرغبة أنا استعملت(حبوب الشيا.الشوفان.السانوج. الخشخاش الجنجلان زريعة القرع ) وندخلهم مزيان فالعجين ونخليه يختمر مزيان تم نشكل كريات صغيرة بالاستعانة بالقليل من الزيت أنا درت شوية دقيق فينو ونمرر الكريات فالزرارع ونوضعهم فالطاوة ونقرصهم غير شوية ونشرطهم بالغازواغ ولا بلاش وملي يخمرو غير شوية ندخلهم لفران ساخن جدا من الاعلى بالأسفل حتة يطيبو ونخرجهم ونغطيهم بمنديل باش يبقاو رطب الطريقة موضحة بالصور
