حلويات بعجينة واحدة
جاو زوينين صراحة ساهلين واقتصاديين
مقادير حلويات بعجينة واحدة :
250غ زبدة
كأس عنبة سكر
كأس عنبة زيت
فاني قبصة ملح
بيضتان
خمارة 8 غرام
دقيق ابيض حسب الخليط
ملعقتين كبار كوك
شكلاط فرميسيل
ملعقة صغيرة قهوة سريعة الذوبان
ملعقتان كبيرة كوبيل
شكلاط ابيض واسود للتزيين
طريقة تحضير حلويات بعجينة واحدة :
نخدم الزبدة السكر الزيت ملح فاني مزيان ونضيف البيض تم نضيف الدقيق والخميرة قوام العجينة رطبة وفنفس الوقت مكتلصقش فاليدين تقريبا 800 غ دقيق لدرت
نقسم العجين لجوج اقسام نصف نضيف ليه جوج ملاعق كبيرة كوك وفرمسيل ونخلط العناصر
والنصف الاخر نضيف ليه ملعقة صغيرة قهوة سريعة الذوبان وجوج ملاعق كبيرة كوبيل ونخلط مزيان
ونبدا نشكل الحلوة ديالي
الشكل الاول نفند الوجه ديالو فسكر ونطبع بالطابع
والشكل التاني نطبعو على شكل وردة
وندخلهم لفران ساخن حتى تطيب الحلوة من التحت ونشعل عليها الفوق نار مهيلة 160 درجة
ملي طيب الحلوة نخليها حتى تبرد مزيان ونغطس نصف الحلوة فالشكلاط ابيض واسود والتزيين حسب الدوق
