سلطة الارز :
كاس الارز الاصفر غسلتو مزيان ورقدتو نصفةساعة فالماء ومن بعد درتو يستقطر في كاسرول درت بصلة مشلظة مع جوج فصوص الثوم وزيت الزيتون والملح وورقة سيدنا موسى وشوية الربيع وقليت شوية البصلة ظفت ليها جزرة محكوكة و وقليتو حتى هو ظفت الارز وبقيت نقلي كلشي من بعد درت الملح الابزار الخرقوم السكينجبير شوية الزعفران الحر وشوية السمن حركت الكل ورويت بالماء الكافي لي يطيب ليا الارز ونقصت عليه وبلا ما نبقى نحرك فيه خليتو حتى تشرب الماء تماما وبالصحة والراحة
سلطة البطاطا :
صلقتها وخليتها بردات فمقلاة درت زيت الزيتون المعدنوس الزعتر محكوك الملح الابزار والكامون وشوية الحامض فص الثوم محكوك والتحميرة ودرت فيها البطاطا ودرتها فوق عافية متوسطة حتى تشرملات وبالصحة والراحة
سلطة الجزر :
قطعتو على شكل كرات وصلقتو ونفس التتبيلة درت للبطاطا درتو للجزر غير هو كيبغي الحامض بالكثرة كل ما جا حامض كل ما مزيان لي كيبغي السودانية يديرها وبالصحة والراحة
