مالقيتش الكبدة و الكنصة هنا في الغربة بزاف ديال الحاجات ماكلقاوهمش ان شاء الله مرة اخرى )هذا كان طلب العديد من المتتبعات و كيفما واعدتكم نزلت لكم الوصفة بشكل مبسط في الصور
مقادير الدجاج محمر :
دجاجة مغسولة مزيان كل وحدة و طريقتها فغسل الدجاج و تكون مسطرة من الماء و ناشفة
توابل : ملح ابزار خرقوم سكنجبير
توابل الدجاج حامض مرقد شوية د السمن
قليل من الماء مخلط مع الزعفران شعرة
بصلة مشلضة و المعدنوس
طريقة تحضير الدجاج محمر بالصور :
كنشرملو الدجاج بالتوابل و نربطو ليها رجيلاتها من الأحسن تبات فالشرمولة
الشرمولة المتبقية كنخلطوها مع البصل
في إناء فرن نفرشو ليه ورق الطبخ نديرو البصلة لتحت و فوقها الدجاجة و نغطي مزياان بورق الطبخ ثم ورق الألومنيوم و ندخلها للفرن لمدة ساعة و نصف او حسب كل وحدة و فرانها على 180 درجة
ملي طيب الدجاجة ندهنها بخليط من : الموطارد الزبدة و الهريسة و نرجعوها تتحمر
و ديك البصلة نزيدولها زيت نباتية و نخليوها تشحر حتا تنشف من الماء يبقى فقط الزيت ممكن اضافة الزيتون
و بالصحة و الراحة
