تارت بالكراميل و الكاوكا
مقادير عجين تارت :
250غ دقيق
60غ سكر
125غ زبدة باردة
فانيلا
قبصة ملح
بيضة
مقادير كراميل تارت :
180غ سكر
75غ زبدة باردة
80غ قشدة السائلة
قبصة ملح
الفول السوداني
مقادير كناش شكلاط تارت :
100غ شكلاطة سوداء
70غ شكلاطة بالحليب
170غ قشدة سائلة
ملعقة كبيرة زبدة
طريقة تحضير تارت بالكراميل و الكاوكاو :
بالنسبة للتارت : نرملو الزبدة مع الدقيق و السكر ثم نضيفو الفانيلا قبصة ملح و البيضة نجمعو العجينة (فقط نجمعو ما نعجنوش) من بعد نسرحوها فوق القالب نثقبو العجين بالشوكة و ندخلو المول للثلاجة مدة نصف ساعة او اكثر، من بعد ما تبرد العجين نوضعو شيء باش النتقلو العجين ندخلوها للفرن مسخن على 180د منين نشوفو ان الجوانب بداو يحمرو نحيدو ديكشي لي متقلين بيه و نردوها للفرن حتى تتحمر تارت ثم نخرجوها و نخليوها تبرد.
بالنسبة للكراميل نوضعو السكر فكاسرولة على عافية متوسطة نخليوه حتى يدوب بدون ما نحركوه منين يدوب نحيدوه من العافية و نضيفو مباشرة الزبدة لي باردة نحركو ثم نردوه للبوطة و نضيفو الكريمة و الملح غي نشوفو الكل تجانس نحيدوه من فوق النار نضيفو ليه الفول السوداني و نصبوه فوق التارت ندخلوه للثلاجة يبرد و نوجدة الكناش
بالنسبة للكناش نسخنو الكريمة و نكبوها فوق الشكلاطة منين يدوب الشكلاطة نحركو مزيان ثم نضيفو الزبدة نصبو الكناش فوق الكراميل من بعد ما يكون برد ندخلو التارت للثلاجة لمدة 4 ساعات او اكثر و نزينو باش ما بغينا، و بالصحة و الراحة ☺️
