اطباق الضيافة بطريقة سهلة و سريعة
اطباق الضيافة : الكوكلي معمر و طايب فالفران د الزنقة كاجي رااائع و يحمر ليك وجهك مع الضياف و الفران د الزنقة كيجيبو روعة و كينقص عليك الشقة
طبق الكوكلي معمر بالكبدة هماوي يحمر ليك وجهك مع الضياف والكليان مرفوق بالخضر كيجي غزال وبتقديم راقي
غادي نحتاجو : 13حبة كوكلي
بالنسبة للشرمولة :
عصير نصف حامضة
لب نصف حامضة
سكين جبير الإبزار،الخرقوم،الفلفل الأحمر
ضامة الزعفران
توابل الدجاج المشوي
السمن
ملعقة كبيرة كيتشوب
كركوبة الثومة
قزبر ومعدنوس
صلصة الصوجا
كنخلطو مكونات شرمولة مع بعض و كنشرملو بيها الكوكلي و نخليوه ممكن ليلة كاملة
حشوة الكوكلي :
الشعرية الصينية 2مكعبات
رابعة الكبدة+الكبدة ديال الكوكلي
زيتون مقطع
ملخ،إبزار،فلفل أحمر،كمون
قزبر ومعدنوس
2فصوص الثوم
بصلة كبيرة
في مقلاة كنوضعو الكبدة التوابل و باقي المكونات و في الاخير الشعرية الصينينة لي نكونو درناها فالماء سخون و صفيناها نخليو الحشوة تبرد مزيان ثم نعمرو بيها الكوكلي
في طاوة فرن كنديرو بصل مشلض و نوضعو فوق منو الكوكلي نغطيو بورق الطبخ ثم ورق الالومنيوم جيدا و الى فرن الحومة
طنقدمو طبق الكوكلي او طبق الضيافة مرفوق ب :
بيض السمان
مطيشة سوريز
بريوات معمرين بالدجاج
الخضر مسلوقة أو مبخرة
الروز
و بالصحة و الراحة
