حلويات جزائرية بالصور و المقادير

 
حلويات جزائرية بالصور و المقادير

اليوم درت قاطو الجلجلان و الكاوكاو 🥜 واش نقولكم على البنة بنين بزااف واقتصادي مليح للقهوة تاع الصباح إن شاءالله ينال اعجبكم حبيباتي الطريقة في الصور مرري الصور لمشاهدتها

المقادير :

عبار كأس الشاي 120 مل
3 حبات بيض كاملين 🥚
3 كيسان شاي زيت
2 زوج كيسان شاي سكر ناعم🍚
كأس ناقص اصبع مايزينة 🌽
كأس كاوكاو 🥜
زوج خميرة كيميائية
قشور الليمون 🍋
عصير نصف حبة الليمون 🍋
الفانيليا
قرصة ملح
الفرينة ( طحين ابيض 🍚 )

🍒التزين 🍒
صفار البيض 🥚
الجلجلان
ملعقة صغيرة كاكاو 🍫🌰

🍒 طريقة التحضير 🍒
في وعاء نحط البيض 🥚و السكر🍚 قرصة ملح و الفانيليا و قشور الليمون 🍋 نخلطهم كامل مع بعض ثم نضيف الزيت تدرجين مع استمرار في خلط من بعد نضيف مايزينة 🌽 و خميرة كيميائية ونضيف كاوكاو 🥜 ونخلط و نبقى نضيف في الفرينة تدرجين حتى تتحصلي على عجينة طرية اتركيها ترتاح مدة 10 دقائق ابسطي العجينة بالحلال و شكليها ضعيها في صينية الفرن واذهنيها بصفار البيض 🥚 و ضعي فوقها جلجلان ودخليها للفرن على 180 درجة