بسطيلة الحوت بعجين المسمن
شكون عزيزة عليها بسطيلة اليوم جبت ليكم بسطيلة ساهلة وكمية قليلة من سمك وبلا ورقة بسطيلة حوت رخيصة
خديت حبة بصل مع حبة فلفة حمرة وجبة فلفلة خضرة شحرتهم مع ملح وزيت زيتون وملعقة زبدة حتى نزلو وضفت علبة شامبينيو مقطع وملعقتان كبيرتان قزبر ومعدنوس وتوابيل لي هية نصف ملعقة صغيرة سكن جبير نصف ملعقة خرقوم نصف ملعقة تحميرة وهريسة حسب رغبة وراس ملعقة ابزار وملعقة صغيرة مركز طماطم خلط كل وطفيت عليها وخليتها على جنب
وخديت كمية من سمك ابيض مقطع مربعات ضفت ليه شوية قزبر ومعدنوس وقليل من تومة وملح وابزار وشحرتو بشوية زبدة وزيت زيتون على نار عاليا وخليتو على جنب
ونفس طريقة مع كروفيت وكلامار انا كمية لي درت ديال حوت قليلة ممكن دزيدو الى بغيتو دجيكم فيها حوت بزاف
وخديت شعرية صنية ضفت عليها شوية ملح مع شوية زيت وماء غليان خليتها 5دقائق وصفيتها وقطعتها وزدت حامضة مصيرة قطعتها صغيرة وضفها مع مكونات وملعقتان كبيرتان من صلصة صوجا وعصير حامض بنسبة بعصير حامض خدات ليا 2حامضات معصرين في المجموع وحكيت شوية جبن احمر ضفتو وخلط مكونات مع بعضها جيدا ودوقت ملح وحار الى كان خاصها نزييد حسب حاجة وخليتها على جنب
وعجنت عجينة مسمن عادية لي هية نصف كيلو دقيق فورص مع كاس صغير فينو ملح ملعقة صغيرة سكر وجمعت كل بماء دافئ ودلكتها قليلا وخليتها ترتاح
وشكلتها الى8كويرات ودهنتها بزيت وخليتها ترتاح شوية وبديت كنسرحها ورش زيت وخديت لاطة ديال فران دهنتها بزيت وحطيت عجينة الأولى ديالي و رشيتها بزبدة وسرحت تانية وحطيتها عليها وزت تالتة وتم رابعة ونا كنزيد زبدة وزيت وضفت حشوة وزت جبن دال سندويشات من فوق وغلقت عليها لعجين لي فجوانب وبديت كنسرح كوات الأربعة المتبقية ومع رش بزيت وزبدة بين كل طبقة وقلبت في طبق آخر وقديت عجين زائدة سرحتها جيدا مع دعمها بزبدة وزوائد قطعتهم وحيتهم
ورجعتها الى صفيحة ديال فرن ودهنت الوجه بقليل من زبدة و زيت وقليل من هريسة وتحميرة ودخلتها للفرن ساخن على نار مهييييييييييلة بوابه باش دجي مورقة من داخل ومدجيش معجنها تقريبا خداتلي 2ساعات في فرن وبصة وراحة
ممكن لي عندها توابل بسطيلة ضفهم يعطيو مذاق رائع وبنسبة لثومة غير فص واحد فقط قسمتو على 3
💛🧡💚💙كنتمنى شرح يكون واضح ومفهوم حاولت نشرح ليكم تفاصيل بنسبة لبنات لي اول مرة يديروها وشكرا على تشجيعكم وحبكم وانا احبكم في الله
