قراشل ساهلين
مقادير قراشل ساهلين :
6 كيسان عنبة دقيق
نصف كاس الزيت
نصف كاس الماء الزهر
نصف كاس سكر ممكن اقل او اكثر
كاس ماء دافئ
ساشي زهرة البرتقال
شوية الملح
ومعلقة كبيرة من النافع حبة حلاوة
جوج بيضات
ومعلقة كبيرة عامرة خميرة فورية وخمارة
طريقة تحضير قراشل ساهلين :
درت كلشي دقة وحدة فالعجانة تعجنات الا لقيتو القوام كيتلصق راه مزيان
بانت ليكم مزال العجينة قاصحة زيدو ربع كاس ماء وعطيوها حقها فالدليك
ومن بعد خليتهم خمرو مزيان منين خمرو
كندهن يديا بالزيت وكنشكلهم كريات من فئة 90 غ لي بغا يصغر ممكن وكنحطهم حتى ساليتهم كرصتهم وحطيتهم فلاطة لي مفرشة بورق الزبدة ودهنت وجههم بالزيت هذا سر اللمعان لي كيجي فيهم وغطيتهم يخمرو للمرة التانية
منين خمرو دهنتهم ببيضة مخلطة مع شوية الخل والملح ودهنتهم من الفوق والجوانب ركزو مزيان على الجوانب ورشيتهم بالزنجلان
ودخلت القراشل للفران لي مسخن من قبل وعافية متوسطة شاعلة غير التحت حتى طلعو وتحمرو من التحت عاد شعلت الفوق انا دراهم ففران كهربائي شاعل الفوق والتحت دقة وحدة وبالصحة والراحة
