خبز بالزيتون الاسود روووعة أن كيعجبوني نفطر بهم مع زيت الزيتون والفرماج جربوهم ماغاديش تندمو عليهم
مقادير خبز بالزيتون الاسود :
500غ من الدقيق الأبيض
250غ من الدقيق الكامل
نصف ملعقة صغيرة ملح
ملعقة كبيرة خميرة الخبز(الجو باارد)
ملعقة صغيرة عسل او سكر
ملعقتان كبيرتان من زيت الزيتون
كمية الزيتون الأسود حسب الرغبة
الماء الدافئ حسب الخليط
طريقة تحضير خبز بالزيتون الاسود :
كنخلطو الكل ماعدا الزيت والزيتون ،نعجنو بالماء شيئا فشيئا حتى نتحصلو على عجينة رطبة ومتماسكة فنفس الوقت،ثم ندلكوها قليلا ونضيفو الزيت ندخلوه فالعجينة مزيان ونضيفو الزيتون ونفس الشيء
ونخليوها ترتاح حوالي 20دقيقة ودوز فيها يدي شوية ونخليها تختمر المدة الكافية
ومن بعد نشكلو منها كريات صغار، هاد الكمية خرجت منها 12حبة ، وحربلتهوم شوية شكل الباكيط ونخليهم يرتاحو حوالي نصف ساعة، ونفلحهم في الوسط ونرشهم بالماء وندخلهم للفرن الساااخن مسبقا على درجة حرارة 220العشر دقائق الأولى من تحت فقط ومن بعد نقصو ل200ونشعلو الفوق والتحت
،من الأحسن تغطيوهم كيعطيو نتيجة أحسن، أنا حطيت صينية أخرى مباشرة في الرف اللي فوق الخبز، وماتنساوش اللعيبة ديال الماء لي كنتقاسم معاكم دائما في بحال هاد الخبيزات، توضعو كأس ماء يغلي وملى تدخلو الخبز تكبو الماء المقلي في إناء صغير يدخل الفرن وتحطوه في أسفل الفرن باش يتكون البخار ويعطينا القرمشة في خبيزاتنا😁😁
نتمنى تجربوه من أروع مايكون 😋😉
دمتم في رعاية الله وحفظه يا أغلى أخوات 🌷🌷🌷🌷🌷
