حلوة البوق المعسلة بالصور خطوة بخطوة
مقادير حلوة البوق المعسلة :
5 كيسان د الطحين
2 معالق كبيرة د السميدة
كاس د الزيت
ملعقة كبيرة د السكر
ملعقة صغيرة د القرفة
شوية د الملح
4 كيسان د الماء مغلي
طريقة تحضير حلوة البوق المعسلة :
نخلط الطحين مع السميدة والسكر والقرفة وملح من بعنزيدو الزيت ونبسبسو العجين حتى يترمل من بعد نغليو الماء ملي يغلي نزيدولو دك الطحين وحنا كنحركو غير يبدا يتقال شوية نحيدوه من فوق النار و نبقاو نحركو بملعقة د اللوح نعجنوه مزيان بالملعقة حتى مايبقاشي العجين فيه الكرات د الطحين من بعد وهو دافئ قبل مايبرد ن خرجوه من البوق على شكل طولي ونخليوها على الاقل ساعة ترتاح بلا مانغطيوها باش تيبس وتشبر فراسا من بعد نسخنو الزيت ونقليوهم خصو الزيت يكون بزاف ونقصولوم شوية البوطا ماشي بزاف غير شوية يعني تكون حرارة متوسطة وملي يتحمرو نغطسوهم في العسل تكون دافية شوية ماشي باردة .
