فطور رمضان صحي مغربي خفيف و سريع بالصور
مقادير طويجنات البدنجان و صوص طوماط :
🟠صلصة الطماطم :
3حبات طماطم محكوكة
2 ضروس ثوم
قزبر ومعدونس مفروم
شوية زيت الزيتون
ملح ابزار تحميرة كمون خرقوم
نشحرو المكونات كلها ونضيف ملعققة صغيرة مطيشة الحك اختيارية ونرويو بنصف كاس تالماء ونخليوها تعقاد شوية
🟠البطاطس الممعوكة:
نسلقو تلات حبات من البطاطس
نمعكوهم بفورشيط نضيف ملح ابزار رشة تحميرة توم بودرة بصل بودرة قزبر ومعدونس ونخلط كلشي وهالحشو البطاطس موجود
🟠بدنجان مقطع على شكل طولي رقيق ندردرو عليه مليحة
نسوطيوه فشوية الزيت فمقيلة او ندهنوه شوية و ندخلوه للفران
ونعمروه بالبطاطس الممعوكة👆ونبرموه نستفوه فوق صلصة الطماطم فطوجين ونزينو بشوية المعدونس مفروم وبالصحة والراحة 😋👌 .
🟠 مقادير السردين المبروم :
سردين منقي ومغسول
قزبر ومعدونس مفرومين
عصير حامضة
ربع كاس زيت
ملح ابزار كمون خرقوم تحميرة
ثوم
🟠كنعملو المكونات كلها فخلاط تطحن مزيان
كندهنو السريدينات بالشرمولة 👆 وكنبرموهم وكننضموهم فاعواد خشبية
انا مكانوش متوفرين عندي نضمتهم فكوردون كيف واضح فالصورة 👆وفندتهم فقمح فينو و ندخلوهم للفران
من بعد زولتهم من الكوردون وانضمتهم فأعواد ديال التقديم وقدمتهم فصحن مفرش بالخص وزينت بالحامض وطوماط سوريز
حسب الرغبة🌷
و قدمت معاهم ميني كراتان
