تحليات رمضانية

 

تحليات رمضانية
تنفعكم في سحور رمضان 2 أشكال من تحلية كريمية اقتصادية بدون كريمة كتجي غزالة متشبعوش منها😋

مقادير تحليات رمضانية :

🌹تحلية الفراولة :

صوص الفريز : كاس فريز مقطع،2ملاعق سكر،ملعقة عصير الحامض
كنخلطو كلشي و نوضعوه فوق النار حتا يذبال الفريز نمعسوه شوية او ممكن نطحنوه و نحتافظو بيه جانبا

3كؤوس حليب
موزة
3ملاعق كبيرة نشا الذرة
3ملاعق سكر
كيس فانيلا
كنطحو كلشي مزيان و نوضعوه فوق النار مع التحريك المستمر حتى يعقاد
في كؤوس التقديم كنوضعو في الاسفل بيسكوي مهرمش او مطحون و نصب فوقه الخليط بلا منعمرو الكيسان بزاف و عند التقديم نزين بصوص الفراولة لي وجدنا من قبل

🌹تحلية الكراميل:

3كؤوس حليب
3ملاعق كبيرة نشا الذرة
كيس فلان كراميل صغير
كنخلطو هاد المكونات مع بعض جيدا و نخليوهم جانبا

نصف كاس سكر أو أقل كنذوبوه حتى كيولي كراميل و نزيد عليه ملعقة صغيرة زبدة ثم خليط الحليب و النشا و الفلان و نحرك واخة يقصاح ماتخافوش غادي يعاود يذوب مع التحريك المستمر نزيل الخليط من فوق النار و نضيف له مباشرة
علبة ياغورت كراميل و نخلط
في كؤوس التقديم نضع في الاسفل اي نوع بسكوي مهرمش و نصب تحلية الكراميل نخليوهم يبردو شوية و ندخلوهم للثلاجة يبردو مزيان
و بالصحة و الراحة