المقادير عجين فطائر :
دقيق
ملح
ملعقة زيت
ماء بارد
يعجن الخليط ويدلك ونعملوه فبلاستيك غدائي يرتاح على مانصاوبو الحشوة ديالنا
حشوة الفطائر :
زوج بصلات مشلظين مشحرين فزويتة
نضيف قطع الدجاج مقطعة قطع صغيرة نشحروهم مع البصل مزيان مع الملح تم نضيف فلافل ملونة مشلظة ونضيف التوابل ابزار خرقوم سكنجبير طري محكوك ضرس تالتومة محكوكة شوية من التوابل الاربعة(قرفة جوز الطيب قرنفل سكنجبير) راس معيلقة بسيبيسة وقعقلة نشحرو المكونات كلها ام نضيف شعرية صينية منقوعة فماء مغلي ومقطعة مع التخلاط. نضيف قزبر ومعدونس وها الحشو موجود
🟠نعملو من العجين ديالنا كويرات ونطرقو بالزيت ونورقو بالزبدة مدوبة ونجمعوهم مربعين بحال المسمن
تم نطرقوهم على شكل طولي ونعملو الحشو ونبرمو ونلويو على شكل سيكار كيف ما واضح فالصورة أعلاه👆👆👆👆
ندهنوهم بالبيض ونرشوهم بحلة البركة ونزين بقطع من الفلافل الملونة تم ندخلهم للفرن بالصحة والراحة😉👌
