مقادير عصير الجزر والبرتقال :
5 جزرات مقطعين
2 ليمونات صغارين
سكر حسب الذوق
دانون فاني او اي نكهة اخرى
لفاني
عصير برتقال وليمون أَوْ ماء
في طنجرة نعملو الجزرات و نقشرو الليمونات غير القشرة الصفراء بلا الجلدة البيضة حيت كتعطي المرورة في العصير أَوْ ادا بغينا نحكوهم نحكوهم و نعصرو دك الليمونات و نزيدو دك العصير والقشرة د الليمون على الجعدة مع لترو دالماء والسكر حسب الذوق انا عملت 5 معالق كبارين من بعد نعملوهم فوق النار ملي يطيب الجزر مزيان نطفيولو النار نخليواه يبرد ملي يبرد نطحنواه مزيان و نخلطواه بعصير البرتقال والليمون او الماء فقط ونزيدولو لفاني ودانون ونخلطو مزيان ونصفيواه ونعملواه يبرد
عصير البرتقال والليمون : كنطحنو واحد البرتقالة مثلجة ووحد الليمونة مثلجة مع لتر ونصف د الماء مزياان ومن بعد نصفيوهوم ونزيدوهم نالعصير على حسب الختورية الي بغينا.وادا بغينا نخفو العصير غير بالماء فقط ويمكن نزيدو بنانة في الاخير او فريز ونطحنوهم مع العصير.
