مقادير حلوة الفرماج :
200 غ الزبدة الحيوانية و 4 فرماجات كيري او لافاش كيري قبصة ملح كاس الا ربع سكر صقيل وجوج معالق زيت ومعلقة صغيرة الفاني او جوج ساشيات الفاني معلقة كبيرة نشا
كنخدم كلشي حتى يولي الخليط بحال كريمة
وكنزيد فالدقيق بالتدريج حتى تجمع العجينة ما تكون قاصحة ما تكون جارية بين وبين
كندير كرات كندوزهم غير شوية فنشا وكنديرها فقالب المعمول تاخد الشكل لي بغيت ونحيدها
نحطها فالاطة ونخليها تنشف واحد جوج ساعات
وكنثقبها هكا باش تبقى محافظة على شكلها
وكندخلها للفران لي مسخن عافية متوسطة غير من التحت تحمر وكنشعل الفوق تذهب
وكنخرجها نخليها تبرد وكندوزها فسكر صقيل وبالصحة والراحة
ختي بقاي تكتبي لينا مقادير مضبوطة وعبار الطحين الله يسهل اعليك مثلا الحلوة اللي تذوب فالفم شحال بالضبط الطحين وشكرا لك جزيلا